गौतम माविमा छात्रवृत्ति परीक्षा सम्पन्न, ११ सय ४५ विद्यार्थी सहभागी

बिरगंज , २३ जेठ
गौतम माविमा छात्रवृत्ति परीक्षा सम्पन्न,  ११ सय ४५ विद्यार्थीहरु सहभागीता भएका छन् बीरगञ्जस्थित गौतम माध्यमिक विद्यालय (गौतम मावि) मा छात्रवृत्ति कार्यक्रमअन्तर्गत सञ्चालन गरिएको प्रवेश तथा छनोट परीक्षा सफलतापूर्वक सम्पन्न भएको छ।विद्यालयका अनुसार सिनियर र जुनियर विङ्समा सञ्चालित परीक्षामा एलकेजीदेखि कक्षा ८ सम्मका कुल ११४५  विद्यार्थीहरूले  परीक्षामा सहभागीता जनाएका छन् छात्रवृत्तिका लागि आयोजित परीक्षा शान्तिपूर्ण र व्यवस्थित रूपमा सम्पन्न भएको विद्यालयले जनाएको छ

परीक्षा केन्द्रको अनुगमन वीरगञ्ज महानगरपालिका शिक्षा समितिकी उपप्रमुख सृजना बुढाथोकीले गरेकी थिइन्। अनुगमनका क्रममा उनले परीक्षा व्यवस्थापन तथा सञ्चालनप्रति विद्यालयको प्रयासको प्रशंसा गरेकी थिइन्।प्याब्सन (PABSON) ले निर्धारण गरेको छात्रवृत्ति आरक्षण व्यवस्था अनुसार विद्यालयले विभिन्न वर्गका विद्यार्थीलाई छात्रवृत्ति उपलब्ध गराउने जनाएको छ। जसअनुसार जेहेन्दार विद्यार्थीका लागि ३७ प्रतिशत, गरिब तथा विपन्न वर्गका लागि ३७ प्रतिशत, आदिवासी तथा जनजातिका लागि १२ प्रतिशत, अल्पसंख्यक, सीमान्तकृत तथा पिछडिएको क्षेत्रका लागि २ प्रतिशत, दलितका लागि ६ प्रतिशत, अपाङ्गता भएका व्यक्तिका लागि ३ प्रतिशत तथा शहीद, बेपत्ता व्यक्तिका सन्तति र सशस्त्र द्वन्द्व तथा जनआन्दोलनका घाइते परिवारका सन्ततिका लागि ३ प्रतिशत आरक्षण व्यवस्था गरिएको छ।
विद्यालयका प्रिन्सिपल गणेश क्षेत्रीले हरेक वर्षझैँ यस वर्ष पनि छात्रवृत्ति कार्यक्रम सफलतापूर्वक सम्पन्न भएकोमा खुशी व्यक्त गर्दै कार्यक्रमलाई सफल बनाउन योगदान पुर्‍याउने सम्पूर्ण कर्मचारी, शिक्षक, अभिभावक तथा विद्यार्थीप्रति धन्यवाद ज्ञापन गरे। उनले छात्रवृत्ति कार्यक्रमले योग्य तथा आवश्यकतामा रहेका विद्यार्थीलाई गुणस्तरीय शिक्षामा पहुँच विस्तार गर्न महत्वपूर्ण भूमिका खेल्ने विश्वास व्यक्त गरेका छन्! यसरी विद्यार्थीहरूलाई प्रतिस्पर्धा मार्फत परीक्षामा सहभागी गराउँदा मर्यादित र व्यवस्थित हुने प्रिन्सिपल क्षेत्रीको भनाइ रहेको छ।