जेन–जी घाइतेको आक्रोश : सत्ता बदलियो, हाम्रो जीवन बदलिएन

काठमाडौं, २३ भदौ।
जेन–जी आन्दोलनले सत्ता र नेतृत्व परिवर्तन गर्‍यो, तर आन्दोलनमा गोली लागेर घाइते भएका युवाको जीवन भने अझै पीडामै छ।
सर्लाहीका २५ वर्षीय राकेश महतो प्रहरीको गोली लागेपछि एक वर्षदेखि अस्पतालको शय्यामा छन्। कम्मरमुनिको भाग नचल्ने भएपछि ह्विलचेयरको सहारामा जीवन बिताइरहेका उनी भन्छन्, ‘हामीमाथि गोली चलाउने को हो? किन चलाइयो? अहिलेसम्म अनुसन्धान र कारबाही भएन।’
उपचार, राहत, रोजगारी र क्षतिपूर्तिको प्रतिबद्धता पूरा नभएको भन्दै घाइते तथा सहिद परिवार सरकारप्रति आक्रोशित छन्।
‘सत्ता बदलियो, सरकार बदलियो, तर हाम्रो पीडा बदलिएन,’ उनीहरूको गुनासो छ। उनीहरूको माग स्पष्ट छ—दोषीमाथि कारबाही होस्, आन्दोलनका सहमति कार्यान्वयन होऊन् र राज्यले घाइते तथा सहिद परिवारप्रति आफ्नो जिम्मेवारी पूरा गरोस्।