अदालतको आदेशपछि दुर्गा प्रसाईं रिहा हुँदै
२०८३ श्रावण १८, सोमबार २०:४२
काठमाडौं, १८ साउन
मेडिकल व्यवसायी दुर्गा प्रसाईंलाई जिल्ला अदालत भक्तपुरले रिहा गर्न आदेश दिएको छ।
आइतबार राति पक्राउ परेका प्रसाईंलाई प्रहरीले साइबर अपराध, राज्यविरुद्धको कसुरअन्तर्गत सार्वजनिक नैतिकता तथा शिष्टाचारविरुद्धको कसुर र सार्वजनिक शान्तिविरुद्धको कसुरमा अनुसन्धानका लागि अदालतमा उपस्थित गराएको थियो।
प्रहरीले तीनवटै कसुरमा अनुसन्धानका लागि ७ दिनको म्याद मागेको थियो। तर अदालतले म्याद थप नगर्ने आदेश दिएपछि प्रसाईंलाई रिहा गर्न लागिएको हो। प्रहरीले उनको रिहाइ प्रक्रिया अघि बढाएको जनाएको छ।
क्याप्सन:
अदालतले म्याद थप्न अस्वीकार गरेपछि दुर्गा प्रसाईं रिहा हुँदै। प्रहरीले रिहाइ प्रक्रिया अघि बढायो।
यो समाचार पढेर तपाईंलाई कस्तो अनुभूति भयो ?
