३२.४८० ग्राम खैरो हेरोइन र चार लाख नगदसहित दुई जना पक्राउ

काठमाडौं, ४ भदौ
लागूऔषध नियन्त्रण ब्यूरो, कोटेश्वरले काठमाडौंको कागेश्वरी मनोहरा नगरपालिका–६ बाट ३२.४८० ग्राम खैरो हेरोइन र चार लाख रुपैयाँ नगदसहित दुई जनालाई पक्राउ गरेको छ।
लागूऔषध कारोबारमा संलग्न व्यक्तिहरूमाथि निगरानी गर्ने क्रममा ब्यूरोबाट खटिएको प्रहरी टोलीले २०८३ साल असार २ गते कागेश्वरी मनोहरा नगरपालिका–६ बाट उनीहरूलाई पक्राउ गरेको हो। पक्राउ पर्नेमा दोलखा, शैलुङ गाउँपालिका–८ ठेगाना भएका २५ वर्षीय सुमिन कार्की र सर्लाही, शम्भुनाथ नगरपालिका–७ ठेगाना भएका ४१ वर्षीय अजय दास रहेका छन्।
प्रहरीका अनुसार उनीहरूलाई लागूऔषध खैरो हेरोइन बिक्री गर्ने क्रममा पक्राउ गरिएको हो। पक्राउ परेकाहरूको साथबाट ३२.४८० ग्राम खैरो हेरोइन, नेपाली नगद चार लाख रुपैयाँ, दुई थान डिजिटल तराजु र दुई थान मोबाइल फोन बरामद गरिएको छ।
घटनाबारे थप अनुसन्धान भइरहेको लागूऔषध नियन्त्रण ब्यूरोले जनाएको छ। लागूऔषध नियन्त्रणसम्बन्धी यस्ता कारबाही नेपाल प्रहरीले निरन्तर गर्दै आएको छ।