स्रोत नखुलेको १० लाख रुपैयाँसहित भारतीय नागरिक पक्राउ
रौतहट, १६ कात्तिक
रौतहटमा स्रोत नखुलेको १० लाख रुपैयाँसहित एक भारतीय नागरिक पक्राउ परेका छन् ।
बौधीमाई नगरपालिका–७ बंकुलस्थित बंकुल–नरकटिया सडकखण्डबाट प्रहरीले उक्त रकमसहित भारतीय नागरिकलाई पक्राउ गरेको हो ।
मिति २०८३ कात्तिक १६ गते दिउँसो करिब १२:२० बजे बाराबाट रौतहटतर्फ जाँदै गरेको BR05AF3787 नम्बरको भारतीय मोटरसाइकललाई प्रहरी चौकी बंकुलबाट खटिएको गस्ती टोलीले शङ्का लागेर जाँच गरेको थियो ।
प्रहरी सहायक निरीक्षक रमेश यादवको कमाण्डमा खटिएको टोलीले मोटरसाइकल जाँच गर्ने क्रममा त्यसको फिल्टरभित्र लुकाइछिपाइ राखिएको स्रोत नखुलेको १० लाख रुपैयाँ फेला पारेको थियो ।
प्रहरीका अनुसार बरामद रकममा एक हजार रुपैयाँ दरका ५९३ थान र पाँच सय रुपैयाँ दरका ८१४ थान नोट रहेका छन् ।
रकमसहित मोटरसाइकल चालक भारतको बिहार राज्य, मोतिहारी जिल्ला, घोडसन ग्राम निवासी अन्दाजी ३३ वर्षीय टुना दासलाई नियन्त्रणमा लिइएको प्रहरीले जनाएको छ ।
बरामद रकम, मोटरसाइकल र पक्राउ परेका दासलाई नियन्त्रणमा राखी घटनाबारे थप अनुसन्धान भइरहेको प्रहरीले जनाएको छ ।
यो समाचार पढेर तपाईंलाई कस्तो अनुभूति भयो ?
